Structura dil di
General
Culla tgira d’affons cumplementara alla scola risguardein nus las fuormas da viver semidadas. Nus procurein leutier per in bien contuorn da tgira cul beinesser digl affon el center.
En tuts quater loghens da scola includan las structuras dil di la meisa da miezdi e la tgira da scolaras e scolars naven dalla scoletta tochen la tiarza superiura naven dallas 07:30 tochen las 18:00.
Purschida ed uras da menaschi
Las structuras dil di vegnan purschidas duront las jamnas da scola da gliendisdis tochen venderdis. Duront las vacanzas da scola ed ils dis libers dat ei negina tgira. Gl’urari sedrezza tenor las pretensiuns da tgira e las pusseivladads dil menaschi.
La tgira entscheiva allas 07:30 tochen l’entschatta dall’instrucziun resp. las uras da bloc / la recepziun dils affons da scoletta. La tgira sur miezdi entscheiva suenter la fin dalla scola e finescha cull’entschatta dall’instrucziun il suentermiezdi. La tgira il suentermiezdi sedrezza tenor gl’urari e cuozza tochen maximalmein las 18.00.
Informaziun ed annunzia
Sut anfleis Vus l'annunzia per la meisa da miezdi e per la survigilonza il suentermiezdi. Fagei aschi bien ed empleni ora quei formular per mintga affon singul. Returnei el entochen ils 23-6-23 alla persuna d'instrucziun da classa per che la planisaziun possi continuar. Bien engraziament.
PDF formular d’annunzia meisa da miezdi/structuras dil di
La persuna responsabla per l’educaziun sto inoltrar il formular empleniu e suttascret al secretariat da scola tochen sil pli tard treis jamnas avon l’entschatta dil semester.
Contact manadra structura dil di: Sonja Lombriser / E-Mail / 078 234 17 50
Tariffas
Il cantun Grischun ed il Consorzi da scola separticipeschan als cuosts dalla tgira. Il quen succeda en unitads da tgira (ina unitad cuozza tut tenor gl’urari 45 – 60 minutas). Pils responsabels per l’educaziun vala la suandonta tariffa:
- CHF 3.00 per unitad da tgira e di
- CHF 8.00 per la meisa da miezdi incl. tgira