Excursiun da notg dalla 6. classa

Sils fastitgs dils miezmiur e miezutschi

Mardis, ils 15-06-2021 ha la 6. classa fatg in’excursiun per observar la pli gronda colonia da miezmiur e miezutschi dalla Svizra.

L’experta, Murièle Jonglez, ha declarau e raquintau a nus ina massa fatgs interessants e fascinonts davart ils miezmiur e miezutschi.

Allas 22:00 uras eis ei finalmein stau aschi lunsch – ils uregliamiur gronds ein sgulai ora per ir a catscha suenter buccarias. Cun agid d’in dumbrader havein nus empruau da dumbrar aschi bein sco pusseivel cons miezmiur e miezutschi che vivan sut il tetg dalla Baselgia parochiala.

Suenter il 600avel miezmiur e miezutschi ei la sien denton stada aschi gronda che nus havein bandunau ils animals ed essan turnai ventireivlamein a casa.