Cordial beinvegni el consorzi da scola Laax Falera Sagogn Schluein
La scolaziun ed il beinesser da mintga singul stat a cor a nus.
Dapi ils 1. d’uost 2022 meinan las vischnauncas Laax, Falera, Sagogn e Schluein lur scolas popularas communablamein en in consorzi. En quater loghens da scola ellas vischnauncas-purtadras vegnan 350 affons e giuvenils instrui.
L'instrucziun dalla scoletta entochen la 6avla classa primara ha liug per ils affons exclusivamein per romontsch. Tenor las perscripziuns cantunalas vegnan affons da lungatg jester susteni duront dus onns a moda professiunala en lur habilitads d'emprender il romontsch.
L’instrucziun sil scalem superiur ei per gronda part per tudestg. Il lungatg romontsch mantegn denton sia impurtonta posiziun el mintgadi ed ella convivenza dalla scola.